सुर्खेत । सुर्खेतमा जिल्ला स्तरीय छोरी सञ्जाल गठन गरिएको छ। कर्णाली प्रदेश छोरी सञ्जालकी अध्यक्ष सगिता दमाईको अध्यक्षतामा ९ सदस्यीय जिल्ला छोरी सञ्जाल गठन गरिएको हो।

आज सोमबार बसेको भेलाले आशिका कोइरालाको अध्यक्षतामा ९ सदस्यीय जिल्ला छोरी सञ्जाल गठन गरिएको छ । अध्यक्षमा कोइराला सँगै सञ्जालको उपाध्यक्षमा सोनिया वलि, सचिवमा प्रकृति बस्नेत, सहसचिवमा चन्द्रा राना र कोषाध्यक्षमा दिप्ति गौतमलाई चयन गरिएको सञ्जालकी प्रदेश अध्यक्ष दमाईले जानकारी दिइन्। त्यसैगरी सदस्यहरूमा रोस्नी न्यौपाने, निरुता ढकाल, युनिस्का बम,नन्दा रोकाय,पुर्णिमा सुनार,पबित्रा राना,र किरण शर्मा चयन भएकी छन् ।

जिल्लाका विभिन्न स्थानीय तहबाट प्रतिनिधित्व गर्ने छोरीहरूको सहभागितामा सम्पन्न भेलाले छोरीहरूको हक, अधिकार, नेतृत्व विकास तथा सशक्तीकरणका विषयमा छलफल गर्दै विभिन्न प्रस्ताव तथा निर्णय पारित गरेको थियो ।

नवनिर्वाचित सञ्जालले जिल्लाभर छोरीहरूको हक अधिकार संरक्षण, नेतृत्व विकास, क्षमता अभिवृद्धि तथा सशक्तीकरणका क्षेत्रमा सक्रिय भूमिका निर्वाह गर्ने प्रतिबद्धता व्यक्त गरेको छ।